នាព្រឹកថ្ងៃ ថ្ងៃទី០២ ខែមេសា ឆ្នាំ២០២៣ ឯកឧត្តម ឈិត គឹមយាត អនុប្រធានគណៈកម្មការទី៥ ព្រឹទ្ធសភា និងជាអនុប្រធានក្រុមសមាជិកព្រឹទ្ធសភាប្រចាំភូមិភាគទី២ បានអញ្ជើញអមដំណើរគណៈប្រតិភូក្រសួងព័ត៌មាន ដឹកនាំដោយឯកឧត្តម ខៀវ កាញារីទ្ធ រដ្ឋមន្រ្តីក្រសួងព័ត៌មាន និងលោកជំទាវ ខៀវ ទេពរង្ស៊ីកាញារីទ្ធ ចុះជួបសំណេះសំណាល សួរសុខទុក្ខ និងនាំយកគ្រឿងឧបភោគបរិភោគដែលជាអំណោយរបស់អង្គការ LIFE តាម រយៈឯកឧត្តមរដ្ឋមន្ត្រីក្រសួងព័ត៌មាន ផ្តល់ជូនដល់បងប្អូនខ្មែរសាសនិកឥស្លាមនៅទូទាំងឃុំព្រែកតានង់ចំនួន៧៩៥ គ្រួសារ នៅឃុំព្រែកតានង់ ស្រុកកោះសូទិន ខេត្តកំពង់ចាម។